İndoneziyada G20 liderlərinin sammiti başladı

İndoneziyanın Bali adasında G20 (G20) liderlərinin sammiti başlayıb.

Dünyanın ən böyük iqtisadiyyatlarının liderləri davam edən Rusiya-Ukrayna müharibəsi, ABŞ və Çin arasında gərginlik, qlobal inflyasiyanın artması və planetin bir sıra regionlarında enerji böhranı fonunda İndoneziyada keçiriləcək G20 sammitində bir araya gələcək.

Builki G20 liderlərinin sammiti “Birgə bərpa olaq, daha güclü olaq” şüarı altında keçirilir.

G20 qrupuna daxildir: Rusiya, Çin, Böyük Britaniya, ABŞ, Meksika, Argentina, Hindistan, Almaniya, Fransa, İndoneziya, Avstraliya, Türkiyə, Braziliya, Cənubi Koreya, Cənubi Afrika, İtaliya, Kanada, Yaponiya, Səudiyyə Ərəbistanı və Avropa Birliyi.

Türkiyəni sammitdə prezident Rəcəb Tayyib Ərdoğan təmsil edir.

Rusiya prezidenti Vladimir Putin sammitdə iştirak etməyib. Rusiya nümayəndə heyətinə xarici işlər naziri Sergey Lavrov başçılıq edir.

Daha əvvəl Rusiyanın G20-dən çıxarılmasını tələb edən Ukrayna prezidenti Vladimir Zelenski ötən həftə Rusiya prezidentinin oraya gələcəyi təqdirdə sammitdə hətta videokonfrans formatında da iştirak etməyəcəyini bildirib. Lakin indiki vəziyyətdə Ukrayna prezidentinin onlayn çıxış edəcəyi gözlənilir.

Bu arada Böyük Britaniya və İtaliyanın yeni baş nazirləri – Rişi Sunak və Corciya Meloni G20 liderlərinin sammitində iştirak edəcəklərini təsdiqləyiblər.

Argentina prezidenti Alberto Fernandes səhhəti ilə əlaqədar İndoneziyada keçirilən G20 liderlər sammitinin ilk iclasına qatılmayıb.

İclasın gündəmindəki ən mühüm maddələrdən biri Ukrayna və Rusiya arasında müharibə mövzusu olacaq. Bundan əlavə, müharibənin başlaması ilə nəticələri daha da dərinləşən enerji böhranı, tədarük çatışmazlığı və inflyasiya mövzularına toxunulacaq.

G20 sammitinin rəsmi gündəliyinə qlobal sağlamlıq problemləri, davamlı enerji transformasiyası və rəqəmsal transformasiya daxildir.

Sammit çərçivəsində bir gün əvvəl ABŞ prezidenti Co Bayden və Çin sədri Si Cinpin arasında ilk təkbətək görüş baş tutub.

Liderlər fikir ayrılıqlarının həllinin və əməkdaşlıq üçün yeni imkanların yaradılmasının vacibliyini vurğuladılar ki, bu da münasibətlərdə “düzgün kursun” müəyyən edilməsi ilə mümkündür.

Bundan əlavə, nümayəndə heyətlərinin noyabrın 19-da başa çatacaq taxıl sazişinin müddətinin uzadılması ilə bağlı danışıqlar aparacağı gözlənilir.

Həmçinin, Cakartanın Ədalətli Enerji Keçidi üçün Tərəfdaşlıqda iştirak proqramını rəsmən elan edəcəyi gözlənilir.

ABŞ, Fransa, Almaniya, Böyük Britaniya və Aİ-nin rəhbərlik etdiyi çoxmilyardlıq G7 təşəbbüsü, inkişaf etməkdə olan ölkələrin iqtisadiyyatlarının bərpa olunan enerjiyə keçidini sürətləndirməyə kömək etmək üçün nəzərdə tutulub.