DİN – İran şəbəkəsinə qarşı əməliyyat keçirdi

Daha əvvəl  verilən xəbərə görə, Daxili İşlər Nazirliyinin əməkdaşları SalamNews və İnterAz informasiya nəşrlərinin redaksiyalarında əməliyyat keçirib.

İnterAz telekanalı 2002-ci ildə yaradılıb, 2007-ci ildə isə Rusiya Federal Vergi Xidmətinin Rayonlararası Müfəttişliyində qeydiyyatdan keçib. Baş ofisi Moskvada olan kanalın təsisçisi jurnalist Saleh Xudiyevdir. 2016-cı ildə telekanal İranın Qum və Suriyada dini təhsil almış Hacı Mətləb kimi tanınan Mətləb Bağırovu alıb.

Hazırda kanalın baş ofisi Türkiyəyə köçürülüb, Türksat peyki vasitəsilə yayım təşkil olunub. Telekanalda İran rəsmilərinin açıqlamaları, bu ölkənin maraqlarına xidmət edən məlumatlar üstünlük təşkil edir. Telekanal həmçinin hazırda “Nardaran hadisələri”nə görə həbsdə olan Hacı Taleh Bağırzadə, Hacı Zülfüqar Mikayılzadə və İrana yaxın olan digər din xadimlərinə də efir vaxtı ayırıb.

Mətləb Bağırov Cəlilabad rayonundandır. Onun İran, Rusiya və Azərbaycanda biznes obyektlərinin olduğu bildirilir.

SalamNews informasiya agentliyi 2010-cu il martın 1-dən fəaliyyətə başlayıb. Təsisçisi həmin Hacı Mətləb Bağırovdur. Agentliyin Bakı ofisi İnterAz telekanalının Bakı ofisi ilə eyni ünvanda – Yasamal rayonu ərazisində yerləşir.

SalamNews-un farsca versiyası 2017-ci ildə hazırlanıb, lakin naməlum səbəblərdən heç vaxt yayıma çıxmayıb. Sayt hazırda Azərbaycan və rus dillərindədir.

SalamNews İranyönlü geniş dini təbliğat aparıb, hazırda İran rəsmilərinin, dindarların müxtəlif bəyanatlarını dərc edir, dini və maarifləndirici xarakterli materiallar təqdim edir.

Azərbaycan Daxili İşlər Nazirliyinin əməkdaşlarının İranın casus şəbəkəsinə qarşı həyata keçirdikləri xüsusi əməliyyat tədbirləri nəticəsində Bakıda və respublikanın rayonlarında 7 nəfər A.T. Kərimov, E.A. Rəhimov, İ.A. Ələkbərov, M.N. Cəfərov, G.G. Cabbarlı, F.S. Abdulov və A.A. Cümşüdov saxlanılıb

Bundan başqa, Daxili İşlər Nazirliyinin əməkdaşları SalamNews və İnterAz informasiya nəşrlərinin redaksiyalarında əməliyyat keçirib.

Hazırda Azərbaycanın Daxili İşlər Nazirliyi Bakıda İranın casus şəbəkəsinə qarşı xüsusi əməliyyat keçirir.